12:15pm媽咪係碼頭接完我，同我講，因為李醫生有個patient生得，佢要即刻趕去醫院，於是媽咪要等李醫生返醫務所，就係甘我就有機會陪媽咪檢查啦！聽到醫生叫媽咪個名，仲叫埋我一齊入去睇添呀！嘩！我見到細佬個樣，仲聽到佢心跳，係156呀！好開心，笑左出嚟添。你地睇下佢個樣似吾似我？
睇完醫生食左小小嘢，我地就去大會堂觀禮，去到人山人海，吾知係吾係我太過緊張，竟然係入禮堂前一刻，疴左屎屎.....又醜又臭.....，當然我失去左觀禮既機會啦！吾緊要，因為等對新人行禮，我就同媽咪係出面練講嘢，你聽下我mamama，ma到媽咪幾開心。
而且最後都有機會同一對新人影相。(p.s.其實我想企新娘個邊多d！)
觀禮之後，媽咪就帶我去剪頭髮，你知啦我地呢d後生仔新陳代謝快，所以頭髮都長得快好多。
剪完頭髮，爽晒！
媽咪見我剪完頭髮個樣甘醒，建議不如去探婆婆，好呀！好耐無見婆婆，好掛住佢呀！
約左係McDonald等，婆婆嚟到又請我食薯條，佢見到我望住個哥哥玩氣球，"恨"到出晒面，仲即刻抱住我問McDonald D 姐姐攞左一個添，講真我車仔、書仔同卡通VCD就多，氣球都係第一次玩jar，多謝婆婆！
今日都玩左成日啦！同爸爸沖完涼要瞓覺lar，goodnight！
沒有留言:
發佈留言