我的一歲生日會暨聖誕party花絮

二零零七年十二月二十三日, 我黃梓榛一歲啦!
為左迎接呢一個大日子,
媽咪特別為我係長洲屋企準備左一個午餐生日會,
你地知啦, 我不嬲都早瞓架mar!
媽咪用左好多時間幚我準備, 我好開心, 因為好多Auntie, Uncle, 哥哥, 姐姐黎同我慶祝!

你地睇下淨係場地報置都花左吾小心機架！仲安排左好多小禮物送俾來參加Birthday Party既Auntie, Uncle, 哥哥, 姐姐,佢地收到都不知幾開心呀！



個日媽咪準備左好多食物, 有煙鴨胸沙律, 薑蔥花甲, 咖哩牛腩, 蜜糖雞冀,生炒臘味糯米飯,
烚西蘭花海蝦, 白汁海鮮意粉, 雪梨雪耳糖水, 仲有士多啤梨同蛋糕! 你地睇佢地食得甘喉急,就知食物有水準啦！



重要時刻梗係切蛋糕啦！你睇連d爉祝都係媽咪特登揾架！
禮物利士梗係收到手軟, 我開心到頂吾住,
又食cake,又"隊"紅洒.



我呢個生日會最開心都係見到大家都開心,尤其mama佢,
因為佢為我準備既所有野全部都攪掂,
場地 (我屋企因為細,先可以有一個人迫迫,但係好warm既party),
食物 (因為有個考過會考家政既mama,先可以用三個半鐘,一個煤氣爐頭做出8大美食)
天氣 (雨雲伯伯知我開一歲生日party, 都借一借,仲要等d Auntie, Uncle, 哥哥, 姐姐返晒屋企先出番黎落埋個場未落完既大雨)
甚至公共設施 (Lantau Island條水管都等我party完左先爆)
全部都盡在掌握中順利完成！

我地黃氏一家祝大家聖誕快樂,新年大進步！