一年之計在於春，我小吉要先同大家拜個年，
祝各位:
Auntie一年幸福過一年，私己脹脹、Uncle錫錫，B仔、B女都聽聽話話！
Uncle一年勁過一年，人工脹脹、Auntie錫錫，B仔、B女都聽聽話話！
姐姐們一年靚過一年，俊男排晒隊、男朋友錫錫，今年揾多D！
哥哥們一年俊過一年，靚女排晒隊、女朋友錫錫，今年揾多D！
上一個農曆年，媽咪話我仲係一舊飯，咩都吾識、咩都吾知。
今年就吾同啦！我已經一歲零一個月，大個仔開始知道新年係咩啦！
屋企既佈置我樣樣都知用黎做咩架，先講盆吉，一睇就知係俾我摘黎食既。
呢盆吉係Auntie Candy同Uncle興送俾我架，聽聞Uncle興仲特登揀盆多D吉既俾我摘添！
至於全盒，米係用黎放晒所有我鐘意食既糖，等我吾洗四圍揾，我知架！哈！哈！
年二十九，媽咪知道年三十維園花市一定超級多人，
所以提早一日一家人去行花市。
嘩！真係好多人，我大膽極都有D驚，
你地睇我捉到爸爸件衫甘實就知啦！
行既時侯見到有哥哥拎住個氫氣球，好靚呀！
媽咪知我鐘意就買左一個 Micky Mouse 氫氣球俾我，
好開心呀！
正月初一，朝早同嫲嫲、大伯拜完年，
就同Daddy、媽咪出香港同婆婆、姨婆、姑婆拜年。
一路上我只係諗....."究竟今年會到幾多利士呢？"
你地睇下我件中國服，真係襯晒我，有好多條龍，好英架！
不過媽咪幫我影相又吾記得提我要拎開個"奶咀咀"，
真係要嘆一句....."後面天下無敵，前面真係無能為力！"la.....
去到姨婆度，有個2歲姐姐，見到我就一野攬埋黎！
個一刻，我真係不知所措，
因為我知我地無幸福架！我地溝通吾到架！
因為.....因為.....我仲未識講野呀.....
祝大家鼠年同我一樣"財色兼收"！Yeah！
沒有留言:
發佈留言